Хазреті Пайғамбар Мұхаммед (сғс) перзенттерді намазға үйрету турасында төмендегідей өсиетін жеткізеді: «Балаларыңыз жеті жасқа келген шақта намаз оқуға бұйырыңдар. Олар он жасқа келгенде намаз оқымаса, ұрыңдар. Төсекте олардың жатын орнын бөлек жатқызыңдар».

Расулуллаһ (с.ғ.с.) айтады: «Қиямет күні пенденің амалдарынан есепке ең әуелі намазы алынады. Егер намазы дұрыс болса, онда қалған амалдары дұрыс болып есептеледі. Ал намазы дұрыс болмаса, онда басқа амалдары да дұрыс болмайды».

Хадистi Абдуллаһ ибн Қурттан (р.а.) имам Табарони риуаят еттi.

Намаз – Алла тағалаға жасайтын құлшылықтардың негізі. Намаз оқу арқылы пенде Жаратушының алдындағы негізгі парызын өтей отырып, өзінің екі дүниедегі қажеттіліктеріне қол жеткізеді.